Xəbər Sevinc Fətəliyeva: Paşinyanın Moskva səfəri Rusiya ilə mövcud gərginliyi aradan qaldırmayıb

Sevinc Fətəliyeva: Paşinyanın Moskva səfəri Rusiya ilə mövcud gərginliyi aradan qaldırmayıb

Müəllif: Xeberim.az on in Siyasət
1st Image
Nikol Paşinyan Ermənistanın əvvəlki rəhbərləri kimi, Azərbaycan-Rusiya münasibətlərinin vəziyyətini yaxından təqib edir. Təsadüfi deyil ki, Ermənistanın baş nazirinin Moskvaya səfəri Azərbaycan Prezidenti İlham Əliyevin Rusiyaya rəsmi səfərindən bir həftə sonra baş tutur.

Amma bu iki səfər müqayisə edilə bilməz. Azərbaycan və Rusiya prezidentlərinin çoxillik etibarlı dostluq əlaqələri mövcuddur. Rusiya Prezidenti və Ermənistanın baş naziri isə həm ikitərəfli münasibətlərin, həm də xarici siyasətin müxtəlif məsələləri ilə bağlı fərqli fikirlərə malikdirlər.

Bu fikirləri AZƏRTAC-a açıqlamasında Yeni Azərbaycan Partiyasının beynəlxalq münasibətlər şöbəsinin müdiri, Milli Məclisin deputatı Sevinc Fətəliyeva bildirib.

Deputat qeyd edib ki, Prezident İlham Əliyevin Rusiyaya səfəri zamanı ikitərəfli əməkdaşlığın hüquqi bazasını əhəmiyyətli dərəcədə gücləndirən sənədlər imzalandı. Baş nazir Paşinyanın Moskvaya səfəri zamanı heç bir sənəd imzalanmadı, Ermənistan baş nazirinin bu tələsik hazırlanmış səfəri heç nə ilə yadda qalmadı. “Yuxarıda qeyd olunanlar göstərir ki, hazırda Rusiya-Ermənistan münasibətləri aşağı səviyyədədir. Ermənistanın baş naziri bu əlaqələrin “parlaq” xarakterli olduğunu iddia edərək, öz ictimaiyyətini aldatmaqda davam edir. N.Paşinyanın Moskva səfəri Rusiya ilə mövcud gərginliyi aradan qaldırmayıb. Paşinyanın bu səfərinin ikitərəfli münasibətlərdə heç bir aktual məsələnin həllinə kömək etmədiyini deyən deputat vurğulayıb ki, Rusiya tərəfinin Ermənistana tədarük olunan qazın qiymətini qaldırmaq istəməyəcəyini bəyan etməsi hər halda erməni diplomatiyasının qələbəsi hesab edilə bilməz. “Bu daha çox Moskva tərəfinin zülm çəkən erməni xalqına güzəştinə bənzəyir”, - deyə Sevinc Fətəliyeva bildirib.