7 fevral 2024-cü ildə təyin olunmuş Azərbaycan Respublikasının Prezidentliyinə keçirləcək növbədənkənar seçkilər 19-20 sentyabrda yaratdığımız yeni reallıqdan sonra labüd olmuşdur. Çünki, Azərbaycan 33 il müstəqil olsa da ərazilərin hamısında suverənlik təmin olunmamışdı. Amma konstitusiyada bütün ərazilərimizdə suverənlik təsbit olunduğu qeyd olunub. Ona görə də keçirləcək növbədənkənar seçkilər müstəqillik tariximizdə bütün suverən ərazilərimizdə keçirləcək ilk seçkilər olacaqdır.
Bu sözləri Xeberim.az-a açıqlamasında Milli Məclisin deputatı Azər Badamov söyləyib.
Bununla əlaqədar işğaldan azad olunmuş ərazilərdə də seçki məntəqələri yaradılmış və seçki günündə həmin yeni seçki məntəqlərdə öz ata baba yurdlarına qayıtmış insanlar və o ərazilərdə fəaliyyət göstərən vətəndaşlarımız iştirak edərək öz siyasi iradəsini nümayiş etdirə biləcəklər. Həm də keçiriləcək prezidentliyə növbədənkənar seçkilər həm də siyasi gücümüzü artıracaqdır. Bu gün Azərbaycanın qazandığı uğurları və zəfərimizi həzm edə builməyən ölkələr var. Xalqımız bu mühüm dövürdə öz liderini yenidən dəstəkləməklə beynəxlaq siyasətdə daha inamla irəliləməsinə və düşmənlirimizə layiqli cavab verilməsinə yeni bir güc verəcəkdir. Ölkəmizdə keçirləcək növbədənkənar seçkilərə geniş hazırlıq işləri gedir. Siyasi partiyalar və bitərəflər öz namizədliyini irəli sürüb seçki məcəlləsinə uyğun prosedur qaydalarını icra edirlər. Seçki prosesi demokratik şəkildə, yüksək səviyyədə keçirlərək hər bir namizədin siyasi mübarizəni aparılmasına şərait mövcuddur. Amma çox təəssüf ki, arxasında heç bir elektoratı olmayan və özünün müxalif partiyası adlandıraraq xarici sifarişlərini icra edən AXCP seçkilərini baykot etdiyini bildirmişdir.
Birincisi onu qeyd etmək istəyirəm ki, siyasi partiyaların əsas məqsədi hakimiyyətə gəlmək uğrunda siyasi proseslərdə iştirak etməklə siyasi mübarizə aparmasıyla bağlı olmalıdır. Əgər belə deyilsə siyasi partriyanın mövcudluğu nəyə lazımdır və xidmətləri nədən ibarət olmalıdır? Təbii ki, siyasi partiyaların hakimiyyətə gəlməsinin yeganə yolu seçkidir. Əgər AXCP seçkidə iştirak etməkdən açıq şəkildə imtina edirsə onların başqa məqsədləri nədən ibarət olduğunu sual altına düşür. Təbii ki, AXCP boykot sözünü işlətməklə bilavasitə siyasi təxribatlara yol açan siyasi hiyləni həyata keçirməyə çalışır. Seçkini boykot edənlərin əsas məkirli hədəfləri aşağıdakılardan ibarət olduğunu hesab edirəm. Qərəzli təxribatlar üçün müxtəlif səviyyələrdə informasiya bəhanələri formalaşdırmaq, iqtidarı qərəzli şəkildə tənqid etmək üçün süni imkanlar yaratmaq, öz zəifliyini gizlətmək və cəmiyətdə emosional gərginliyə nail olmaq, seçkilər ətrafında beynəlxalq informasiya ajiotajı yaratmaq və seçkilərdən sonrakı dövürdə təxribatları davam etdirmək üçün əsas yaratmaqdan ibarətdir. Radikalların elan etdiyi baykot tamaşasının strateji hədəfi cəmiyyətdə seçki ilə bağlı yalan məlumatlar və qərəzli şayiələrin yayılmasına hesablanmışdır. Reallıq odur ki, Siaysi Partiyalar haqqında qəbul olunmuş yeni qanunun tələbinə uyğun olaraq 5 min üzv toplamaqda böyük çətinlik yaşayan radiakl müxalifət seçki prosesinə hansı siyasi güclə qatıla bilər?. Təbii ki, radikalların açıqladığı baykot tamaşası ancaq acizliyin nümayişi olduğunu hesab edirəm.
Amma özünü siyasi güc hesab edən siyasi partiyalar isə seçki prosesinə qoşularaq konstruktiv siyasi mübarizəsini davam etdirəcəklər. Növbədənkənar siyasi seçkilər həm də cəmiyyətin bir barometrisi olacaqdır. Bu seçkilərdə xalqımız vahid amal olan ölkəmizin əldə etdiyi uğurların davam etdirilməsinə, müstəqilliyimizin əbədi olaraq möhkəmlənməsinə və beynəlxalq arenada sözümüzün gücünü daha da artmasına səs verəcəklər.
