Prezidentimiz cənab İlham Əliyev VII çağırış Milli Məclisin ilk iclasındakı çıxışında qeyd etdikləri fikirlər regionda və dünyada baş verənləri olduğu kimi qiymətləndirməyə və bir vətəndaş olaraq məsuliyyətimizi artırmağa əsas yaratdı. Həyəcənla xəbər saytlarında qeyd olunan tarixi çıxışa dair paylaşılan məlumatları və topluma verilən mesajları oxuduqca aglıma gələn ilk suallar “Biz nə etməliyik?”, “Üzərimizə düşən vəzifə nədir?”. Axı ölkə başçısının ifadə etdiyi hər bir söz və cümlənin arxasında böyük bir əsas və bizlərə necə davranmağımızı ehtiva edən işarələr vardır.
Diqqətlə oxuyaq: “Media kampaniyası, qarayaxma, iftira, böhtan kampaniyalarının da məqsədi məhz budur. Bu mövzunu daim gündəlikdə saxlamaq və ümidlə yaşamaq ki, nə vaxtsa Azərbaycan büdrəsə, zəifləsə, yenidən bizə qarşı bu çirkin hərəkətlər başlasın. Yəni, biz bunu bilməliyik. Azərbaycan iqtidarı bunu bilir, ictimaiyyət də bunu bilməlidir. Ona görə arxayınlaşmağa bizim heç cür imkanımız yoxdur”.
Son cümlələr vətəndaş olaraq bizim üçün əsaslıdır: “Azərbaycan iqtidarı bunu bilir, ictimaiyyət də bunu bilməlidir. Ona görə arxayınlaşmağa bizim heç cür imkanımız yoxdur”.
Dəyərli dostlar,
Dünya bütün mərhələlərdə bizə güclü olmağı diqtə edir. Bəli, əsla arxayınlaşmaq olmaz. Müharibə dövründə bütün dünyaya nümayiş elətdirdiyimiz vahidliyi qorumaqla yanaşı, daha da gücləndirməyimiz gərəkir. Bizim itirən deyil, qazanan vaxtımızdır. Şəxsindən asılı olmayaraq güclü Azərbaycan naminə vətən sevgimizi aşılayaq. Zərərli ideyologiyalar təqlin edən xarici dairələrə qarşı bu günə qədər verdiyimiz mənfi münasibəti çəkinmədən yenə ifadə edək. Onların tələsinə düşə biləcək saf düşüncəli gənclərimizə sahib çıxaq. İdeoloji fəaliyyət dairəsində üzərimizdə olan məsulliyyəti müasir imkanlarla artıraq. Bizim gəncliyin dövlətçilik fəlsəfəsini məqsədlərinə çevirək. Məramına sadiq olan gəncliyimiz üçün düşüncələrini ideoloji olaraq şaxələndirək. Vahid ideologiya daxilində hər kəsin özünü tapacaq məqsədlər formalaşdıraq. Ailə, vətən və dövlət, bu üç istiqamət üzrə ayrı-ayrılıqda konsepsiyaların vəhdətini zəncirvari şəkildə bağlayaraq ideoloji təbliğatımızı daha da gücləndirək. Zaman bunu bizə ehtiva edir.
Böyük sevgi ilə, böyük sevgi naminə təşəkkürlər cənab Prezident!
Raqif Allahverdiyev
