Ermənistanda hərbi avtomobil qar uçqununa düşüb, iki hərbçi ölübbackend

Ermənistan ordusunun bir neçə hərbçisi həlak olub.

AzVision.az xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.

Bildirilir ki, Sünik rayonunda avtomobil qəzası baş verib. Nəticdə iki hərbçi ölüb.

“Hadisə fevralın 19-da saat 19:40 radələrində Xnatsax kəndi yaxınlığında baş verən qar uçqunu nəticəsində baş verib. Müdafiə Nazirliyinin “UAZ” markalı avtomobili dərəyə yuvarlanıb və nəticədə müqaviləli hərbçilər Zorand Qrantoviç Arzumanyan və Zorak Samveloviç Yeranosyan həlak olublar”, – məlumatda deyilir.

Məlumatda qeyd edilir ki, daha iki hərbçi müxtəlif dərəcəli bədən xəsarətləri ilə hospitala yerləşdirilib.

Onların vəziyyəti orta ağır qiymətləndirilir.