Qayıq çevrildi; azı 4 ölü, 15-i isə itkin düşübbackend

İtkin düşən insanların axtarışları davam etdirilir

Banqladeşdə qayığın çevrilməsi nəticəsində azı 4 nəfər ölüb, 15-i isə itkin düşüb. Avtosfer.az xəbər verir ki, insident mayın 26-da Siracqanc dairəsində qeydə alınıb. Bu barədə “Sinhua” agentliyi məlumat yayıb.

Agentliyin məlumatına görə, “Camuna” çayında göyərtəsində 70 nəfərin olduğu qayıq, qeyri-sabit hava şəraiti səbəbindən çevrilib. Hadisə zamanı azı 50 sərnişin xilas edilib.

Hazırda yerli xilasetmə xidmətinin əməkdaşları və sakinlər itkin düşən insanların axtarışlarını davam etdirirlər.